Lulet e këtij vëllimi poetik janë këputur nga lëndina “Lulet e së Keqes” të Charles Baudelaire. Janë këputur shqip, në këtë 165-vjetor të nisjes së Poetit, si një mbamendje për të. Botimi i parë i "Luleve të së keqes" (qershor 1857) iu nënshtrua gjyqit për fyerje të moralit publik: gjashtë poezi u dënuan dhe u përjashtuan nga teksti. Pasuan dy botime të tjera, njëri në 1861, e tjetri, pas vdekjes, në 1868. E në fakt ballina e librit, e paraqitur në këtë botim të sotëm, është homazh i botimit të parë të censuruar. Ky libër, emblemë e poezisë moderne, prek zemrën e epokës sonë me aromën e tij të paprekur. I ëmbël dhe mizor, në vargjet e tij ai mirëpret dhe zhurmën e metropolit, joshjen e bukurisë dhe mjerimin e rënies.
