Libri “Gjuhët e Parajsës” (Arianë dhe Semitë një çift provanor) me autor historianin dhe filozofin e ligjërimit Maurice Olender, mundëson leximin e qartë të aktualitetit politik të ligjërimeve tona gjuhësore të kërcënuara, më shumë se kurrë, nga fantomatët e “gjuhës mesianike”. Këta fantomatë të një gjuhe primordiale, gjithsesi të pranishëm edhe tjetërkund, janë padyshim edhe më të sikletshëm në territoret shpërthyese të Ballkanit, ku rrezikojnë të shndërrohen një ditë në armë ideologjike të preferuara për nacionalistët e rinj. “Gjuhët e Parajsës” do të inkurajojë gjithashtu një konceptim modern dhe demokratik ndaj “tjetrit”.
